Муниципалитеттен маалымдашкандай, тиешелүү буйрук мэр Жанарбек Акаев тарабынан кол коюлган.
Мирлан Казыбай уулу 2025-жылдын декабрь айынан бери Ош шаарынын мэринин орун басары кызматын аркалап келген.
Turmush жазгандай, Ош шаарынын мэринин 4 орун басары Сонунбек Жунусбаев, Мирланбек Казыбай уулу, Адилет Шаршеналы уулу, Нурлан Закиров 19-февралда өз каалоосу менен кызматтан кетүү тууралуу арыз жазышкан.
Сонунбек Жунусбаев 2021-жылдын 6-сентябрынан бери Ош шаарынын мэринин орун басары кызматын аркалап келген. Ал учурда Ош шаарынын мэри Алмаз Мамбетов болгон.
Ош шаарынын мэринин орун басары Сонунбек Жунусбаев
// Turmush
Мирлан Казыбай уулу 2025-жылдын 2-декабрында Ош шаарынын вице-мэри кызматын ээлеген. Ал курулуш секторун көзөмөлдөгөн.
// Turmush
Закиров 2025-жылдын октябрь айынын аягында Ош шаарынын вице-мэри кызматын ээлеп, социалдык блокту көзөмөлдөгөн. Мурда бул кызматты Салтанат Аманова ээлеген [ал Жогорку Кенештин депутаты болуп шайланган]. Вице-мэр кызматка дайындалганга чейин Ош шаарынын социалдык өнүктүрүү бөлүмүнүн начальниги болуп иштеген.
Нурлан Закиров
// Ош шаарынын мэриясы
Ош шаарынын мэриясында кадрдык чечимдер мэрдин алмашуусунан кийин кабыл алынат. Женишбек Токторбаев президенттин буйругу менен 18-февралда мэр кызматынан бошотулган.
Ош шаарынын мэри болуп Жанарбек Акаев дайындалды.
Токторбаевден кийин кызматтан кетти Адилет Шаршеналы уулу, ал Ош шаарынын биринчи орун басары болуп иштеген.
Адилет Шаршеналы уулу
