Иш-чаранын алкагында үч негизги доклад угулду: финансылык жана экономикалык секторлордун, ошондой эле реалдуу экономика жана социалдык тармак боюнча 2025-жылга карата иштин жыйынтыктары тууралуу.
Экономика жана финансылык сектордун абалы тууралуу Кыргыз Республикасынын Премьер-министри жана Президенттин Администрациясынын жетекчиси Адылбек Касымалиев маалымат берди.
2025-жылы республикада 119 жаңы өнөр жай ишканасы ишке киргизилди, инвестициялар 715,6 миллион долларды түзүп, 8 451 жумуш ордун түзүүгө мүмкүнчүлүк берди.
Кабминдин маалыматы боюнча, өнөр жайдагы өндүрүш көлөмү 799 миллиард сомдон ашып, бул 10,7% өсүүгө туура келет.
