Жыйында бул мыйзам долбоору ички каршы пикирлерди жоюуга жана Кыргыз Республикасынын жарандарына, ошондой эле чет элдиктерге же жарандыгы жок адамдарга жеке идентификациялык номерлерди берүү процессин жөнөкөйлөтүүгө багытталгандыгы белгиленди. Бул тууралуу санариптик өнүктүрүү жана инновациялык технологиялар министринин биринчи орун басары Нурсултан Кубанов билдирди.
Талкуу учурунда депутат Сеидбек Атамбаев идентификациялык номерлерди берүүдө техникалык каталарды оңдоо механизмдерин түзүү зарылдыгына көңүл бурду. Депутат Санталат Аманова бул номерлерди берүү үчүн жооптуу мамлекеттик органды так көрсөтүүнү сунуштап, мыйзам долбоорунун актуалдуулугун баса белгиледи. Ошондой эле депутат Гулшаркан Култаева каталарды өзгөртүү же оңдоо учурунда эски идентификациялык номерлердин тарыхы сакталабы деген суроону койду. Депутат Советбек Рустамбек уулу чет элдик жарандарга жана жарандыгы жок адамдарга идентификациялык номерлерди берүү тартиби тууралуу суроону көтөрдү.
Комитеттин төрайымы Токтобубу Ашымбаева ар кандай министрликтер жана ведомстволор ортосунда маалыматтык интеграциянын маанилүүлүгүн дагы белгиледи.
