Данияр Бапышов Кыргызстандын курулуш, архитектура жана коммуналдык чарба министрлигинин шаар куруу жана архитектура департаментинин директору болуп дайындалды.
Адылбек Касымалиев тиешелүү буйрукту кол койду.
21-январда өткөн жыйында Нурдан Орунтаев жаңы жетекчини тааныштырды жана анын ийгиликтүү иштөөсүнө үмүт артарын билдирди.
Данияр Бапышов 2007-жылдан бери архитектура тармагында иш тажрыйбасына ээ жана мурда шаар куруу жана архитектура департаментинин орун басары кызматын аркалаган.
Бул кызматты мурда Замира Кангельдиева ээлеп турган, ал өз каалоосу менен кызматтан кеткен.
