Табигат министрлигинин басма сөз кызматынан алынган маалыматка ылайык, текшерүүнүн натыйжасында эки эркек адамдын үч фазанды мыйзамсыз атып алгандыгы белгилүү болду. Бузуучулар окуя болгон жерде кармалды.
Аларга мыйзамсыз аңчылык жана жаныбарлар дүйнөсүнөн объекттерди алуу боюнча укук бузуулар кодексинин 261-беренесине ылайык 20 миң сом өлчөмүндө айып пул салынды.
Мындан тышкары, бузуучуларга фазандарды атуудан жаныбарлар дүйнөсүнө келтирилген зыянды калыбына келтирүү үчүн 15 миң сом өлчөмүндө доо арызы берилди.
