2025-жылы Кыргызстанда 117 билим берүү мекемесинин курулушу жана капиталдык оңдолушу аяктаган. Алардын ичинен 76 объекти жаңыдан курулса, 41 мектепте капиталдык оңдоп-түзөө иштери жүргүзүлгөн. Премьер-министрдин орун басары Эдил Байсалов бул тууралуу республикалык жыйында билдирди.
Анын айтымында, аткарылган иштердин натыйжасында 17 000 кошумча орун түзүлдү.
2021-жылдан 2025-жылга чейин өлкөдө 673 объекттин курулушу аяктаган, анын ичинде 394 мектеп жана 147 бала бакча, ошондой эле 114 мектеп жана 18 бала бакчанын капиталдык оңдолушу жүргүзүлгөн.
Учурда Кыргызстанда 2 394 жалпы билим берүү мектеби иштеп жатат, анда 1 536 633 окуучу билим алууда, бул 2024-жылга салыштырганда 45 800гө көп.
