Иш-чаранын жүрүшүндө илим тармагынын актуалдуу абалы, бар болгон көйгөйлөр жана келечеги боюнча докладдар талкууланды. Улуттук илимдер академиясынын нормативдик-укуктук базасын жакшыртууга, ошондой эле геологиялык изилдөөлөрдү мамлекеттик колдоо маселелерине өзгөчө көңүл бурулду.
Жыйналыштын жыйынтыгында Кеңеш бир катар маанилүү чечимдерди кабыл алды.
Кабыл алынган чечимде илим жана геологиялык изилдөөлөрдү өнүктүрүү Кыргыз Республикасынын мамлекеттик саясатынын приоритети болушу керектиги баса белгиленди.
Министрлер кабинетине илимий ишмердүүлүктүн натыйжалуулугун жогорулатууга багытталган системалуу чараларды киргизүү сунушталды; мамлекеттик заказ механизмдерин өнүктүрүү; илим тармагына финансылоштурууну поэтаптуу жогорулатуу жана ресурстарды натыйжалуу пайдалануу; геологиялык илимди модернизациялоо, кадрдык потенциалды жана илимий уюмдардын материалдык-техникалык базасын күчөтүү.
