Бул иш-чарада китепкана жана китеп иши менен алектенген маданий мекемелердин жетекчилери чогулат.
Бул диалогдун негизги максаты китепкана жана китеп системасынын учурдагы абалын талдоо, бар болгон көйгөйлөрдү аныктоо, ошондой эле тармактын мындан аркы өнүгүүсү үчүн мүмкүнчүлүктөрдү изилдөө. Иш-чаранын катышуучулары ведомстволор аралык кызматташтыкты чыңдоого жана өнүгүүнүн жаңы ыкмаларын иштеп чыгууга умтулушат.
Талкуу учурунда тармактагы реформалар, заманбап талаптарды эске алуу менен китепкана ишин жакшыртуу, окуу маданиятын өнүктүрүү жана улуттук руханий баалуулуктарды популяризациялоо маселелери көтөрүлөт.
Жыйындын соңунда катышуучулар тармакты өнүктүрүүгө жана мамлекеттик жана коомдук институттар ортосунда конструктивдүү диалогду чыңдоого жардам бере турган сунуштарды жана резолюцияны формулировка кылышат.
