Бишкек мамлекеттик университетинде К. Карасаев атындагы «Евразия волонтерлору» кыймылына катышкан волонтерлорго сыйлык берүү аземи өттү. Бул тууралуу АНО «Евразия» маалымдады. Азем 2025-жыл ичинде социалдык, билим берүү жана жаштар долбоорлорунда активдүү катышкан адамдарга арналды.
Иш-чарада «Евразия Кыргызстан» регионалдык кеңсесинин директору Кымбат Урумкулова жана университеттин ректору Мирлан Дылдаев болушту.
Жыйналгандар алдында сөз сүйлөгөн Кымбат Урумкулова, бул сыйлык берүү салтка айланарын белгиледи.
«Биз ар дайым жардам берүүгө даяр болгон волонтерлорубузга ыраазычылык билдиребиз. Биздин кыймылда өлкөнүн жогорку окуу жайлары жана колледждеринен 1000ден ашык волонтер бар. 2025-жылы алар 9-майдагы Жеңиш күнүн белгилөө, «Георгий лентасы» акциясы, «Евразия» паркынын ачылышы жана Ысык-Көлдүн жээгиндеги субботниктерди уюштурууда көптөгөн иш-чараларга катышышты», - деди ал.
Анын айтымында, волонтерлук жарандык активдүүлүктүн, өз ара жардамдашуунун жана жаштарды коомдук жашоого тартуунун маанилүү бөлүгү болуп саналат. Волонтерлорду сыйлоо коомдун өнүгүшүнө кошкон салымдарын жыл сайын таануунун белгиси болот. ```
