Бул жылы постсоветтик мейкиндикте болгону беш өлкө өз көрсөткүчтөрүн жакшыртууга жетишти. Кыргызстан 26 баллга көтөрүлүп, өткөн жылдагы көрсөткүчүнө 1 балл кошту. Ошондой эле Азербайжанда (30 балл, +8), Украинада (36, +1), Латвияда (60, +1) жана Литвада (65, +2) оң өзгөрүүлөр белгиленди. Ошол эле учурда Беларуссияда (31, -2), Өзбекстанда (31, -1), Казахстанда (38, -2), Молдова (43, -1), Арменияда (46, -1) жана Грузияда (50, -3) рейтинг начарлады. Түркмөнстан (17), Тажикстан (19) жана Эстония (76) үчүн көрсөткүчтөр өзгөрүүсүз калды.
Мурдагы жылдардагыдай эле, Индексте биринчи орунду Дания (89 балл), Финляндия (88), Сингапур (84) жана Жаңы Зеландия (81) ээлеп турат. Норвегия да 81 балл алып, коррупциянын эң төмөнкү деңгээли бар беш өлкөнүн катарына биринчи жолу кирди.
Отчеттун авторлору глобалдык масштабда коррупциянын өсүп жатканын, ал тургай, андан улам ийгиликтүү деп эсептелген демократиялык өлкөлөрдө да улантып жатканын баса белгилешет. Бул көрүнүштүн себеби катары мамлекет башчыларынын саясий эркин жоготушун көрүшөт.
