Ак-Турпак айылдык аймагында, Кадамжай районунда, жергиликтүү айыл чарба өнүктүрүү башкармалыгы тарабынан уюштурулган тукумдук малдын көргөзмөсү өттү. Бул тууралуу Кыргыз Республикасынын Агрардык өнүктүрүү министрлигинин маалымат кызматы маалымдады.
Иш-чарада тукумдук мал чарбачылыгы менен алектенген фермердик чарбалар, жеке чарбалар, ветеринардык адистер жана жаныбарларды жасалма уруктандыруу пункттары катышты.
Көргөзмөнүн максаты тукумдук мал чарбасын өнүктүрүү, фермерлер арасында тажрыйба алмашуу жана жергиликтүү калк арасында сапаттуу мал чарбачылыгын популяризациялоо болду.
Көргөзмө учурунда катышуучулар сунушталган тукумдук жаныбарлар жана алардын сапаттык мүнөздөмөлөрү менен таанышышты.
Мындан тышкары, аталган иш-чаранын алкагында калкка жеткиликтүү баада эт сунушталды, атап айтканда, уй этин 650 сомдон сатышты.
Көргөзмөнүн аяктоосунда эң мыкты фермердик чарбалар грамоталар, медалдар жана акчалай сыйлыктар менен сыйланды. ```
