Талды-Суу айылында аймактын жетекчиси лизинг шарттары боюнча сатып алынган төрт атайын техниканын ачкычтарын тапшырды: «Zoomlion RN1104» маркасындагы трактор, «XCMG XE150WB» дөңгөлөктүү экскаватор, «XCMG GR1905T» автогрейдери, атайын ташуучу мусор машинасы.
Жаңы техника жол куруу жана оңдоо, жерди пландаштыруу, ошондой эле Памир-Алай айыл өкмөтүнүн аймагында инфраструктуралык жана коммуналдык иштерде колдонулат. Президенттин өкүлү машиналардын техникалык абалы менен таанышып, алардын максаттуу жана узак мөөнөттүү пайдаланылышын камсыз кылууну тапшырды.
Талды-Суу айылында Кызыл-Суу дарыясынан өткөн жаңы көпүрөнүн ачылышы болду. Курулуштун узундугу 54 метр, туурасы — 4 метр. Проектти ишке ашыруу үчүн өнүктүрүү фонду жана жергиликтүү бюджеттен каражат бөлүнгөн. Объекттин жалпы сметалык баасы 23 млн 952 миң 240 сомду түздү.
Памир-Алай айылдык аймагы 2024-жылы административдик-территориялык реформа учурунда түзүлгөн, борбору Сары-Таш айылында жайгашкан.
Бул бийик тоолуу регион, деңиз деңгээлинен бир нече миң метр бийиктикте, кооз өрөөндөр, жайыттар, Кызыл-Суу дарыясы жана кар менен капталган чокусунан турат. Жашоочулары мал чарбачылык жана жер иштетүү менен алектенген, эң алыстагы жана аз калктуу жерлердин бири. Памир-Алай өлкөнүн инфраструктурасын өнүктүрүү үчүн келечектүү райондордун бири болуп эсептелет.
Памир-Алай альпинисттер (Ленин чокусуна чыгуу), треккерлер, этно- жана экотуризмдин күйөрмандары арасында популярдуу.
