Мексикада жүргөндөргө Тышкы иштер министрлиги жогорку сактык көрсөтүүнү, адамдардын көп чогулган жерлеринен качууну жана жергиликтүү бийликтин көрсөтмөлөрүнө баш ийүүнү сунуштайт.
Кыйын кырдаалдарда кыргызстандыктарга АКШ жана Канададагы Кыргызстандын элчилигине (Вашингтон) төмөнкү телефон номерлери аркылуу кайрылуу сунушталат: +1 202 449 98 22, +1 202 256 29 24, ошондой эле электрондук почта аркылуу [email protected].
Ошондой эле, Кыргызстандын Тышкы иштер министрлигинин Консулдук департаментинин номери +996 999 312 002.
Мексикада аскердик операциянын натыйжасында «Эль Менчо» деген ат менен белгилүү Немесио Осегера Сервантес, «Халиско - Жаңы муун» наркотик картелинин лидери жок кылынган. Бул массалык башаламандыкка жана куралчан картелдин мүчөлөрү менен күч структураларынын ортосундагы кагылышууларга алып келди.
Мексика бийликтери боюнча, кылмышкерлер жолдорду тосуп, унааларды өрттөп, күч кызматкерлерине кол салууларды жасашууда. Операциянын натыйжасында картелдин бир нече мүчөсү өлтүрүлдү, ошондой эле аскерлер арасында жаракат алгандар бар.
Бир нече штатта ондон ашык шектүүлөр кармалды. Бул кризистин фонуна байланыштуу авиакомпаниялар рейстерди токтотуп, бийлик туристтерди отелдерде калууга жана сактык чараларын сактоого чакырууда.
