Ливитт белгилегендей, "Президент Трамп так айтты: Бириккен Штаттар наркотеррористтерге, өлкөгө кооптуу наркотиктерди жеткиргендерге, тийиштүү жазасын алууга кепилдик берет. Биз ошондой эле мексикандык армияга кызматташканы жана операцияны ийгиликтүү аткарганы үчүн ыраазычылык билдиребиз", - деп кошумчалады ал.
Ошондой эле, басма сөз катчысы Дональд Трамп мурда "Халиско - Жаңы муун" картелин чет өлкөлүк террордук уюм деп жарыялаганын эске салды.
Ақ үйдүн маалыматына ылайык, операция учурунда картелдин үч мүчөсү өлтүрүлүп, үчөө жаракат алган, экөө кармалып калган.
Ошондой эле, эки өлкөнүн бийликтери Осегераны кармоого жардам бере турган маалыматтар үчүн сыйлык жарыялашкан: 30 миллион мексикандык песо жана 10 миллион долларга чейин.
Эскерте кетсек, Немесио Осегера Сервантестин өлүмүнөн кийин 22-февралда Мексикада массалык башаламандык башталган. Бир катар өлкөлөрдүн бийликтери жарандарын коопсуздук чараларын сактоого жана күч органдарынын операцияларынын улануусуна жана кылмыштуулук деңгээлинин жогорулашына байланыштуу үйлөрүнөн чыкпоого чакырышкан.
