2-январь күнү таңкы саат 11:00дө Кыргызстандын Транспорт министрлигинен билдиришти, өлкөнүн бардык негизги ашууларында кыймыл эч кандай чектөөлөрсүз жүргүзүлүп жатат.
Министрликтен билдиришкендей, Төө-Ашуу, Сөөк, Чоң-Ашуу, Долон, Чар, Ак-Бейит жана Кубакы ашууларында, ошондой эле Боом капчыгайында ачык аба ырайы байкалууда, бул транспорттун кадимки режимде кыймылдашуусуна мүмкүнчүлүк берет. Ошондой эле Суусамыр–Талас–Тараз автожолунда Өтмөк ашуусунда өтүү ачык.
Ведомстводон белгилешкендей, жол кызматтары күн сайын жолдордогу коопсуздукту камсыз кылуу менен алектенишет.
Жүргүнчүлөргө кышкы шарттарды эске алып, кышкы шина колдонуп, зарыл болгон инструменттерди алып жүрүү жана жол кыймылынын эрежелерин так сактоо сунушталууда.
