Turmush агенттигинин кабарчысы берген маалыматка ылайык, бул иш-чара Талас облусунун прокуратурасы тарабынан прокурордун орун басары Батыркул Муназбековдун жетекчилиги астында уюштурулган.
Жыйынга облусунун шаарлары жана райондорунан прокурорлор, ошондой эле укук коргоо органдарынын жетекчилери катышты.
Кеңешмеде көп жылдар бою ачылбай жаткан оор жана өтө оор кылмыштарды иликтөөнүн абалы талкууланды. Облустук прокуратура жетекчилерге бул кылмыштарды ачууга багытталган тергөө-оперативдик иш-чараларды уюштурууну талап кылды.
Ошондой эле шаарлар жана райондордун прокурорлоруна, ички иштер органдарынын жетекчилерине өзүнүн жеке жөндөмдөрүн колдонуп, кыска убакыттын ичинде натыйжалуу жыйынтыктарга жетишүү тапшырылды.
Учурда укук коргоо органдары, анын ичинде ГКНБ жана ички иштер министрлиги тарабынан 69 оор жана 90 өтө оор кылмыштар ачылбай калгандыгы белгилүү болду.
Объектилер
Спутник
⛶
