Ведомствонун маалыматына ылайык, бул долбоор эл аралык транспорттук коридорлорду жакшыртуу, өлкөнүн транзиттик потенциалын жогорулатуу, ошондой эле жол инфраструктурасынын коопсуздугун жана сапатын камсыздоо үчүн маанилүү.
Жыйын учурунда долбоордун учурдагы абалы, ошондой эле ар кандай мамлекеттик мекемелер жана эл аралык өнөктөштөр ортосундагы координация маселелери талкууланды, бул долбоорду ишке ашыруу боюнча кийинки кадамдарды аныктоого мүмкүндүк берет.
Катышуучулардын арасында Европа Союзунун Кыргызстандагы делегациясынын башчысы Реми Дюфло жана Франциянын элчиси Николя Файе да болду. Бардык катышуучулар туруктуу жана коопсуз транспорттук инфраструктураны өнүктүрүү боюнча кызматташтыкты улантууга кызыктар экендиктерин билдиришти.
Переговорлордун жыйынтыгы менен тараптар аталган долбоорду ишке ашыруу боюнча биргелешкен аракеттерди улантууга даяр экендиктерин ырасташты.
