Транспорт жана байланыш министрлигинин пресс-кызматы Бактылуу Аскар уулу менен Европалык реконструкция жана өнүктүрүү банкынын (ЕБРР) регионалдык директору Айтен Рустамова менен болгон жолугушуу тууралуу маалымдады.
Жолугушууда Кара-Балта – Чалдовар автомобиль жолун реконструкциялоо долбоорунун негизги аспекттери талкууланды. Бул долбоор эл аралык транспорт коридорлорун өнүктүрүү, өлкөнүн транзиттик потенциалын жогорулатуу, ошондой эле жол инфраструктурасынын сапатын жана коопсуздугун жакшыртуу үчүн маанилүү.
Ошондой эле, сүйлөшүүлөргө Кыргызстандагы Европалык Союздун делегациясынын башчысы Реми Дюфло жана Франциянын элчиси Николя Фай катышып, транспорт инфраструктурасын туруктуу жана коопсуз өнүктүрүү боюнча кызматташтыкты күчөтүүгө кызыктар экендиктерин билдиришти.
