Паркка келгендердин айтымында, «Лодочка» аттуу аттракцион 2025-жылдын 31-декабрында кайрадан келүүчүлөр үчүн ачылган.
Кыргыз Республикасынын Табигый ресурстар, экология жана техникалык көзөмөл министрлигине караштуу Экологиялык жана техникалык көзөмөл кызматынын Ош облустук башкармалыгын жетектеген Асанбек Мамыраимов, окуя болгон жерде кошумча текшерүүлөр жүргүзүлөөрүн билдирди.
Ал ошондой эле, бул текшерүүлөрдүн жыйынтыгы боюнча кененирээк маалымат берилерин кошумчалады.
Эскерте кетсек, 2025-жылдын 21-сентябрында Навои атындагы парктын ичинде жашы жете элек кыз аттракциондо болуп, кулап, ошол жерде көз жумган. Жардам кызматынын маалыматына ылайык, трагедия 13:30 чамасында болгон, чакырылган медиктер кыздын жашоо белгилерин табышкан эмес.
Мындан тышкары, 2024-жылдын апрель айында Ош шаардык мэриясынын жыйынында шаардык парктардагы бир катар аттракциондордун техникалык текшерүүлөрсүз иштеп жатканы талкууланган. Талкуунун жүрүшүндө коопсуздук чараларын сактоону күчөтүү зарылдыгы да белгиленген.
