Бүгүнкү күндө Республика протез-ортопедия буюмдары мекемесинде 159 кызматкер иштесе, Реабилитация борборунда 46,5 адам эмгектенет. Бириккенден кийин жалпы кызматкерлердин саны 201,5 адамды түзөт.
Реорганизация учурунда Реабилитация борборунун административдик жана жардамчы кызматтарын оптимизациялоо пландалууда, бул директор, башкы бухгалтер, чарба жетекчиси, ошондой эле электрчү жана сантехник сыяктуу кызмат орундарын кыскартууга алып келет. Ошол эле учурда, негизги адистер жана иштин негизги багыттары сакталат.
Мындан тышкары, токтом долбоору жаңы жетекчилик кызматтарды киргизет: директордун биринчи орун басары - башкы инженер, өндүрүш жана реабилитациялык иш боюнча директордун орун басары, ошондой эле реабилитациялык жана калыбына келтирүү кызматтарын көрсөтүүгө жооптуу башкы дарыгер.
