Кичинекей кыздар металл жана башка калдыктарды чогултуп, чоң энесине жардам беришкен.
Сулюктун эмгек, социалдык камсыздоо жана миграция башкармалыгынын үй-бүлө жана балдарды коргоо бөлүмүнүн адиси Жазгул Равшанбек кызы, эки кыздын да мектепке барбаганын белгиледи.
Ал белгилегендей, ведомствонун кызматкерлери Сулюктун ГОВДсынан жаштар инспекторлору менен биргеликте балдардын эмгек эксплуатациясын алдын алуу боюнча иш-чараларды үзгүлтүксүз өткөрүшөт.
«Сулюкте жашы жете элек балдардын эмгекке тартылышы жана окуудан ажырашы боюнча учурлар дээрлик кездешпейт. Бирок, акыркы рейд учурунда таштандыда чоң энеси менен иштеп жаткан эки кыз байкалган», — деди Ж. Равшанбек кызы.
Чоң энесинин айтымында, анын кызы каза болуп, эми ал эки небересине кам көрүүгө мажбур. Кыздар мектепке барбай, чоң энеси менен чогултуп, акча табышат.
Тийиштүү кызматкерлер алар менен түшүндүрүү сүйлөшүүсүн өткөрүп, балдарга тиешелүү камкордук болбосо, мамлекеттик органдарга кайрылууга мажбур болушарын эскертишти.
