Чоң-Кемин мамлекеттик табият паркында Боролдой айылында кармалган кар барыстын реабилитациясы ийгиликтүү аяктады.
Кыргыз Республикасынын Табигый ресурстар, экология жана техникалык көзөмөл министрлигинин маалыматына ылайык, жаныбар бардык зарыл ветеринардык жана биологиялык текшерүүлөрдөн өтүп, адистердин кылдат көзөмөлүндө болду.
3-4 жаштагы кар барыс 42,7 кг салмакка жетип, узундугу 2 метрге жакын болду.
Табигатка чыгарылуудан мурун, барыс убактылуу Чүй облусундагы Сайлуу-Терек жайлоосундагы Германиянын табиятты коргоо союзунун (НАБУ) филиалына караштуу жабайы жаныбарларды реабилитациялоо борборунда болду. Бардык медициналык процедуралар аяктагандан кийин, бүгүн ал табигатка кайтып келди.
