Кыргыз Республикасынын (КР) айыл чарба министрлиги суу ресурстарынын жетишсиздиги боюнча тынчсыздануусун билдирди жана фермерлерди суу сактоочу ыкмаларга өтүүгө чакырды.
«Климаттын өзгөрүшү жана 2026-жылдагы вегетация мезгилинде жаан-чачындын азайышын эске алганда, суу жетишсиздигинин тобокелдиги бар. Бул сугат суунун көлөмүндө чектөөлөргө жана айрым региондордо жетишсиздикке алып келиши мүмкүн», - деп белгилешти министрликтен.
Ведомство агрономдорго төмөнкү стратегияларды колдонууга сунуштады:
суу сактоочу технологияларды, мисалы, тамчы жана жаан сугат системаларын киргизүү;
аз суу талап кылган өсүмдүктөрдү өстүрүү;
кургакчылыкка туруктуу урукдарды колдонуу.
«Суу менен камсыздоо боюнча жергиликтүү айыл чарба өнүгүү башкармалыктарына же министрликтин адистерине кайрылсаңыз болот. Сугат мезгилинде министрлик суу ресурстарын адилеттүү бөлүштүрүү менен алектенет», - деп кошумчалашты билдирүүдө.
