Муниципалдык ишкана "Цифрдык технологиялар борбору" "Менин шаарым" тиркемесинин жаңыртылган версиясынын чыкканы тууралуу жарыялады.
Бишкек шаардык мэриясы тарабынан берилген маалыматка ылайык, азыр тиркемеде колдонуучуларды пландалган жана өзгөчө суу берүү токтотулуулары тууралуу ыкчам маалымат берүү функциясы ишке ашырылган. Уведомлениялар колдонуучулардын түзмөктөрүнө ыңгайлуу санарип форматында түздөн-түз келет.
Персоналдаштырылган уведомленияларды алуу үчүн, тиркемени акыркы версияга жаңыртуу жана жеке кабинетте өзүнүн эсеп номерин киргизүү зарыл. Бул жаңы кызматтын туура иштешин жана тиркеменин бардык мүмкүнчүлүктөрүнө кирүүнү камсыз кылат.
"Менин шаарым" тиркемесинин жаңыртуусу мобилдик түзмөктөр үчүн расмий дүкөндөрдө жеткиликтүү.
