Форумдун жүрүшүндө өлкөнүн агрардык секторундагы 40 мыкты өкүл аныкталат: 20сы өсүмдүк өстүрүү, 20сы мал чарбачылыгы боюнча.
Ар кандай өлкөлөрдөн келген эксперттер жана фермерлер бул иш-чарага катышат. Айыл чарба боюнча чемпиондор өз тажрыйбалары жана ийгиликтүү иш алып баруу сырлары менен форумдун кызыкдар катышуучулары менен бөлүшөт.
Иш-чаранын акыркы бөлүгү 21-февралда Кыргыз улуттук филармониясында пландалган.
Финалдык аземде өз тармактарында чемпион наамына ээ болгон мыкты аграрийлер жана фермерлер кызыл килем менен өтүп, салтанаттуу шартта сыйланат. Форум ошондой эле агропромышленность секторунда байланыштарды орнотуу үчүн платформа болуп, ишкерлерге өз бизнесин өнүктүрүү жана продукциясын экспорттоо мүмкүнчүлүктөрүн берет.
