Жаңы жыл түнүндө Кыргызстанда олуттуу укук бузуулар жана кылмыштар болгон жок, - деп билдирди Ички иштер министрлиги. ИИМдин кызматкерлери майрамдык иш-чаралар учурунда коомдук тартипти жана коопсуздукту сактоону көзөмөлдөшкөн. Адамдардын көп чогулган жерлеринде укук тартибин көзөмөлдөө жүргүзүлдү.
Маалыматка ылайык, Жаңы жылды майрамдоо түнүндө ИИМ күчтөрү коопсуздукту камсыз кылуу үчүн бардык зарыл чараларды көрүштү. 29-декабрдан тарта ички иштер органдарынын жана Ички аскерлердин жеке курамы күчөтүлгөн кызмат режимине өткөрүлүп, милициянын кошумча кезектеги кызматтары жана тергөө-оперативдик топтор уюштурулду.
Коопсуздукту камсыз кылуу үчүн 12 миңден ашык укук коргоо органдарынын кызматкерлери тартылганын белгилеп өтүү керек. ```
