Ички иштер министри Улан Ниязбеков быйылкы жылы санариптик технологияларды жана видеокөзөмөл системаларын киргизүүнүн натыйжасында болжол менен 6 миң кылмыш жана укук бузууларды алдын алууга, ошондой эле болжол менен миң издөөдө жүргөн адамдарды кармоого жетишилгенин белгиледи.
Жыйында министр укук бузууларга каршы профилактикалык чараларды күчөтүү, үй-бүлөлүк зомбулукка каршы күрөшүү, ошондой эле жол кыймылынын коопсуздугун камсыздоо жана майрам күндөрүндө алкогольдук мас абалында унаа айдаганды алдын алуу зарылдыгына көңүл буруп өттү.
Анын айтымында, ички иштер органдарынын негизги милдети жаңы жылдык иш-чараларды тынч жана коопсуз өткөрүүнү камсыздоо болуп саналат.
