Бишкекте Кыргыз Республикасынын Куралдуу Күчтөрүнүн Жоокерлерди даярдоо борборунда «КРдин күч структураларынын кызматкерлеринин арасында укук бузууларды жана өз-өзүнө кол салууларды алдын алуу» темасында ведомстволор аралык тегерек стол өттү. Иш-чара Куралдуу Күчтөрдүн Генералдык штабынын башчысы Тариэль Отонбаевдин жетекчилиги астында өтүп, анын максаты жоокерлер арасында өз-өзүнө кол салууларды азайтууга багытталган комплекстүү чараларды иштеп чыгуу жана практикалык кадамдарды макулдашуу болду.
Тегерек столго ар түрдүү мамлекеттик структуралардын өкүлдөрү, анын ичинде коргоо министрлиги, УКМКнын ПС, ИИМдин ВВ, КРдин ГСИНи, ошондой эле билим берүү, илим, жогорку билим жана инновациялар, маданият, маалымат жана жаштар саясаты министрлиги, аскер прокуратурасы жана башка коомдук уюмдар катышты.
Дискуссиянын жүрүшүндө жарандарды милдеттүү аскердик кызматка чакыруу, чакырылуучулардын тандоосун жакшыртуу, ошондой эле Куралдуу Күчтөрдүн бөлүктөрүндө жана мекемелеринде тарбиялык иштерди жана медициналык-профилактикалык иштерди уюштуруу маселелери боюнча Коргоо министрлигинин кызматкерлеринин отчеттору угулду.
Аскер прокуратурасынын жана УКМКнын ГУВКРинин өкүлдөрү да өз отчетторун сунуштап, алар тегерек столдун алкагында талкууланды. ```
