Ош облусунун Кара-Кулджин районунда бүгүн «АгроЗооВет-2026» окуу караванынын алкагында семинар өттү. Бул тууралуу Кыргыз Республикасынын Су ресурстары, айыл чарба жана кайра иштетүү өнөр жайы министрлиги маалымдады.
Министрликтен билдиришкендей, семинарда мал чарбачылыгын, ветеринардык кызматтарды, азык базасын жакшыртуу, ошондой эле мамлекеттик колдоо программалары жана каржылоо мүмкүнчүлүктөрү боюнча ар кандай материалдар сунушталды.
Бул иш-чаранын негизги максаты дыйкандарды жана агрардык тармактын адистерин квалификациясын жогорулатуу, заманбап агротехнологияларды киргизүү жана айыл чарбасын өнүктүрүү боюнча учурдагы маселелер тууралуу маалымат берүү болуп саналат.
