17-январда Лейлекте, райондук мамлекеттик администрациянын базасында, «АгроЗооВет–2026» карванынын алкагында окутуу семинары өткөрүлдү. Бул иш-чара Кыргыз Республикасынын Суу ресурстары, айыл чарба жана кайра иштетүү өнөр жайы министрлиги тарабынан уюштурулду.
Семинардын негизги максаты фермерлердин жана агросектордун адистеринин билим деңгээлин жогорулатуу, заманбап агротехнологияларды жайылтуу жана айыл чарбасын өнүктүрүүнүн актуалдуу маселелерин талкуулоо болду.
Семинарда райондук администрациянын өкүлдөрү, министрликтин профилдик адистери, аймактык органдын кызматкерлери, ошондой эле «30+20+10» долбооруна тартылган фермерлер жана кайра иштетүүчү ишканалар катышты.
Семинар учурунда мал чарбасын, ветеринарияны, азык базасын жакшыртууну, ошондой эле аграрийлер үчүн мамлекеттик колдоо жана финансылык мүмкүнчүлүктөрдү камтыган докладдар сунушталды. ```
