Ведомстводон алынган маалыматка ылайык, кайра шайлоо 2026-жылдын 1-мартында өткөрүлөт. Жалпы каржылоо суммасы 18 миллион 507 миң сомду түзөт, бул каражат республикалык бюджеттен бөлүнөт.
Сметага шайлоо процессин уюштуруу жана маалыматтык колдоо, округдук жана участкалык комиссиялардын мүчөлөрүнүн эмгек акысы, ошондой эле жумушка тартылган адистердин чыгымдары киргизилген. Мындан тышкары, добуш берүү күндөрүндө тамактануу үчүн күндөлүк төлөмдөр, шайлоо комиссиялары үчүн борборлоштурулган сатып алуулар, шайлоо участкаларын техникалык камсыздоо, маалыматтык материалдарды даярдоо, окутуучу иш-чараларды өткөрүү жана командировкалык чыгымдар каралган.
Бюджеттин эсептелиши 15 адамдан турган бир округдук шайлоо комиссиясынын жана 965 мүчөдөн турган 94 участкалык комиссиянын иши эске алынып жүргүзүлгөн. Бул топко добуштарды эсептөө үчүн автоматтык кутучалардын 188 оператору, шайлоочуларды идентификациялоо үчүн жабдыктардын 188 оператору, жарандарды идентификациялоого техникалык кызматтарды камсыз кылган 55 оператор жана техникалык колдоо боюнча 24 адис кирет.
БШК бардык зарыл иш-чаралар белгиленген мөөнөттө жүргүзүлөрүн жана шайлоолор учурдагы шайлоо мыйзамдарына катуу ылайык өткөрүлөрүн белгиледи.
