Ал Жогорку Кеңеш өлкөдөгү бийликтин негизги бутагы экенин баса белгилеп, мындай деди: "Керектүү реформалар жана мыйзам долбоорлорун ишке ашыруу парламент тарабынан алдын ала каралбаса, мүмкүн эмес. Башка бийлик бутагынан кызмат орундарына талапкерлер да Жогорку Кеңеш менен макулдашылышы керек. Ар бир бийлик органы өз милдеттерин жана жоопкерчилигин түшүнүшү маанилүү".
Мындан тышкары, төрага мыйзам долбоорлорун жалпы каралууга сунуш кылуудан мурун профильдик комитеттер тарабынан терең талкуулануу зарылдыгына көңүл бурду.
Нурланбек Тургунбек уулу Жогорку Кеңеште ачыктык жана сөз эркиндигинин принциптерине катуу баш ийилерин билдирди. Ал депутаттар каалаган маселелер боюнча өз пикирлерин эркин билдире алат жана жыйындар кеңири аудитория үчүн түз эфирде трансляцияланарын кошумчалады.
