Жыйын учурунда парламенттин иши жана мыйзам чыгаруу процессине байланыштуу маанилүү маселелер талкууланды. Катышуучулар ар кандай пикирлерин жана сунуштарын билдиришти, деп билдирет Жогорку Кенештин басма сөз кызматы.
Тургунбек уулу Жогорку Кенеш өлкөдөгү бийлик системасында маанилүү роль ойнорун белгиледи. Ал: «Мамлекет үчүн зарыл реформалар жана долбоорлорду ишке ашыруу парламенттин макулдугусуз мүмкүн эмес. Башка бийлик бутактары үчүн сунушталган талапкерлер да Жогорку Кенеште макулдашылышы керек. Бардык органдар бул процесс боюнча өз милдеттерин жана жоопкерчиликтерин так түшүнүшү керек», - деп баса белгиледи.
Спикер ошондой эле мыйзам долбоорлорун жалпы талкууга чыгаруудан мурун профильдүү комитеттер тарабынан кылдат талкуулоонун маанилүүлүгүнө көңүл бурду.
Мындан тышкары, Тургунбек уулу Жогорку Кенеште ачыктык жана сөз эркиндиги принциптери катуу сакталарына басым жасады. Ал депутаттардын каалаган маселелер боюнча өз пикирлерин эркин билдирүүгө укуктуу экенин жана парламенттин жыйындары кеңири аудитория үчүн түз эфирде көрсөтүлөрүн кошумчалады.
