Бул иш-чара дене тарбиясын жана активдүү жашоо образын популяризациялоо, мамлекеттик кызматкерлер арасында командалык рухту бекемдөө жана экологиялык маселелерге, ички туризмге көңүл буруу максатында уюштурулган.
Жөө жүрүш учурунда Касымалиев жетекчилердин жеке үлгүсүнүн активдүү жашоо образын популяризациялоодогу маанилүүлүгүн белгиледи. Иш-чаранын катышуучулары парктагы белгилүү маршруттардын бирин басып өтүп, заповедниктин инфраструктурасы менен таанышып, өлкөнүн табигый ресурстарына сакчылуу мамиле кылуу маселелерин талкуулашты.
