Чүй облусунда укук коргоо органдары чоң суммадагы акча уурдоого шектелген адамды кармашты. Бул тууралуу облустук ички иштер башкармалыгынын маалымат кызматынан маалым болду.
Маалыматка ылайык, 24-январда милицияга Т.Е. аттуу, Москва районундагы Сретенка айылында жайгашкан "К.К." фермердик чарбасынын директору кайрылган. Ал ошол эле күнү, болжол менен 15:00 чамасында, К.Д. аттуу жаран бухгалтериянын терезесинен мыйзамсыз кирип, 425 000 сомду уурдап, кылмыш болгон жерден качып кеткенин билдирген.
Бул окуя боюнча Кыргыз Республикасынын Кылмыш кодексинин 205-беренеси (Уурулук) боюнча кылмыш иши козголгон.
“Бандит” жана “Арсенал” операцияларынын алкагында жүргүзүлгөн ыкчам-издөө иш-чараларынын жүрүшүндө милиция кызматкерлери 1980-жылы туулган шектүү К.Д.нын кайда экенин аныктап, кармашты. Эркек киши убактылуу кармоо жайына жайгаштырылды.
Аны кармаган учурда, анын колунда пистолет табылып, ал алынган. Учурда зарыл экспертизалар дайындалды.
Кылмыш ишинин териштирүүсү уланууда.
