Бул окуя тууралуу маалыматты Turmush’тун кабарчысы менен сүйлөшкөн күбөлөр беришти.
Чүй облусунун Ички иштер министрлигинин УОБДД пресс-кызматынын маалыматына ылайык, кырсык 2-мартта, саат 19:10да Бишкек–Нарын–Торугарт унаа жолунун 58-километри, «Гавайи» эс алуу зонасынын жанында болду. Натыйжада жөө адам каза болду.
«Окуя болгон жерге Чүй райондук ички иштер бөлүмүнөн тергөө-оперативдик топ жөнөтүлдү», — деп айтылат расмий билдирүүдө.
Тергөө учурунда 34 жаштагы И. А. Р. аттуу айдоочу «Тойота Виндом» маркасындагы унааны чыгышка карай айдап баратып, 59 жаштагы жөө адам К. С. М.ды уруп алгандыгы аныкталды. Ал түндүктөн түштүккө жолду кесип өтүп жаткан. Бул окуянын натыйжасында жөө адам окуя болгон жерде каза болду», — деп тактады пресс-кызмат.
