Берилген маалыматтарга ылайык, иштин курмандыгы 1 миллион 87 миң 750 доллар берип, 29 «Тойота Камри» жана 24 «Чанган» унаасын алууга үмүттөнгөн. Бирок ал алдамчылык схемасынын курмандыгы болуп калды.
Бул окуя Кыргыз Республикасынын Кылмыш-жаза кодексинин 209-беренесине («Алдамчылык») ылайык катталган.
Октябрь районунун Ички иштер башкармалыгы 29 жаштагы В.С. аттуу эркекти кармап, ал убактылуу кармоо жайына жайгаштырылды.
Укук коргоо органдары кармалган адамдын башка кылмыштарга да тиешеси болушу мүмкүн экенин болжолдошууда. Ошондуктан, анын аракеттеринен жабыркаган же кандайдыр бир маалыматка ээ болгон бардык адамдарды 0 (999)10-27-07, 0 (706) 30-30-13 же 102 номерлери аркылуу байланышууга чакырышат.
