Ош шаарынын Ички иштер башкармалыгынын сүрөтү
Алдын ала маалыматтар боюнча, трагедиялык окуя 19-мартта таңкы саат 5:50 чамасында А. Мамыров көчөсүндө, «Асан-Үсон» дүкөнүнүн жанында болгон. Бул учурда чет элдик унаанын айдоочусу кызматтык милдетин аткарып жаткан аялды уруп кеткен.
Каза болгон аял Батма Мадмарова, 1959-жылы туулган, Араван районунун тургуну. Ал «Тазалыкта» 2025-жылдын сентябрынан бери иштеп келген.
Окуя боюнча электрондук акт катталып, тергөө иштери башталды, ошондой эле соттук-медициналык экспертиза дайындалды.
Айдоочу, 1998-жылы туулган жана Бишкектин тургуну, кармалды. Ал унаа тайгак жолдо тайгаланып кетип, жээкке чыгып кеткенин билдирүүдө.
Шектүү убактылуу кармоо жайына жайгаштырылды, тергөө уланууда.
