Келешов имараттагы күчтүү түтүн жана жогорку температурага карабастан, бейтаптарды көчөгө алып чыга берди. Куткаруу операциясы аяктагандан кийин, ага зарыл медициналык жардам көрсөтүлдү. Учурда Келешовдун ден соолук абалы канааттандырарлык деп бааланып жатат.
Эскерте кетүүчү нерсе, бул окуя 6-январда аталган мекеменин паллиативдик бөлүмүндө болгон. Өрттөн улам эки оор бейтап каза болду. КР Саламаттык сактоо министрлигинин маалыматына ылайык, дагы 14 адам ооруканага жаткырылган.
Окуяга байланыштуу жабыркагандар үчүн донордук кандын жыйноосу жарыяланды.
Бул окуя боюнча кылмыш иши козголуп, учурда өрттүн келип чыгуу себептери аныкталууда.
