Саламаттык сактоо министрлиги берген маалыматка ылайык, жабыркагандардын 13үндө көмүр кычкыл газынан уулануу катталса, бир бейтап I даражада күйүк алган.
Саламаттык сактоо министри Каныбек Досмамбетов ооруканада жабыркагандарды зыярат кылды.
Бардык бейтаптардын ичинен төртүнүн абалы орто оор, экөө оор абалда, ал эми сегиз жабыркагандын абалы салыштырмалуу канааттандырарлык деп бааланууда.
«Жабыркагандардын абалынын оорлугу кошумча оорулардын болушу, ошондой эле көмүр кычкыл газынан жана күйүү продуктуларынан уулануу менен байланыштуу», - деп билдирет ведомствонун маалыматы.
