Архивден алынган сүрөт. 2024-жылдын 25-декабрында Баку — Грозный маршруту боюнча учуп чыккан Азербайджан Эйрлайнс авиакомпаниясынын учагы Актау аэропортунун жанында кырсыкка учурады
Отчетто кырсык болгон жердеги металлдык объекттер боюнча жүргүзүлгөн трасологиялык, баллистикалык, жарылуучу техникалык жана өрттүк экспертизалардын жыйынтыктары да көрсөтүлгөн. Бардык изилдөөлөр жарылуу издеринин жоктугун тастыктады.
Ошентсе да, документте учактын алдын ала маалыматтар боюнча, согуштук аракеттер менен байланышкан сокку уруучу элементтерден жабыркагандыгы айтылган. Бирок алардын келип чыгышы отчетто ачык айтылган эмес.
Эскерте кетсек, 2024-жылдын 25-декабрында трагедия болду: Баку — Грозный маршруту боюнча учуп жаткан учак Россияда конууга болгон аракеттеринен кийин Актау аэропортунун жанында кырсыкка учурады. Кырсыктын натыйжасында 38 адам каза болуп, 29 адам ооруканага жаткырылган.
Жабыркагандардын арасында Кыргызстандык үч жаран бар, алар 30-декабрда дарыланууну улантуу үчүн мекенине жеткирилген.
Россиянын тышкы иштер министрлигинин маалыматына ылайык, Азербайжан авиакомпаниясы жоголгон учак үчүн 1,003 миллиард рубль өлчөмүндө камсыздандыруу төлөмүн төлөгөн.
Россиянын президенти Владимир Путин октябрда Азербайжан президенти менен болгон жолугушуусунда трагедиянын себептеринин бири украиндык учкучсуз учактар болгонун билдирди.
