«Трагедия болгон учурда аларды деңиз алып кетти, бардык документтер жана мобилдик телефондор жоголду. Азыр алар моргдо, биз менен байланышууга мүмкүнчүлүгүбүз жок. Биз алыстабыз жана Мальтада эч кимди тааныбайбыз, ошондуктан жардам бере турган бардык кыргыздар жана казактарга кайрылабыз. Сураныч, эгерде сиздин кызыбызга жардам берүүгө, полиция, тез жардам же элчилик менен байланышууга мүмкүнчүлүгүңүз болсо, жооп бериңиздер! Ар кандай жардам азыр абдан маанилүү», - деп айтылат билдирүүдө.
Бул маалыматты Times Of Malta басылмасы тастыктап, 11-январда 48 жаштагы кыргызстандык аял Святого Георгия заливинде (St George's Bay) чөгүп кеткенин маалымдады.
Ошондой эле анын жанында 23 жаштагы аял, ошондой эле Кыргызстандын жараны, ооруканага жаткырылган.Полициянын маалыматы боюнча, окуя тууралуу маалымат 12:40 чамасында белгилүү болгон. Баштапкы иликтөөдө бир нече өтүп бараткан адамдар эки аялга суудан чыгууга жардам берип, жардам көрсөтүшкөн.
Окуя болгон жерге медициналык кызматкерлер жана жарандык коргоо кызматкерлеринин өкүлдөрү келип, жабырлануучуларды Матер Дей ооруканасына жеткирүүгө жардам беришкен.
Тилекке каршы, кийинчерээк 48 жаштагы аял каза болгону, ал эми экинчи жабырлануучунун абалы туруктуу деп бааланганы маалым болду», - деп билдиришти полициядан.Учурда иликтөө жүргүзүлүүдө.
Башкы беттеги сүрөт иллюстрациялык: Святого Георгия заливи.
