Алгачкы болуп дрондун соккусуна учураган танкер Matilda, Мальта флагынын алдында катталган. Бортто жарылуу болду, бирок от чыкпады. Экипаж жабыркаган жок, алдын ала текшерүүлөрдө кеменин корпусунда олуттуу зыяндар табылган жок.
Экинчи кол салынган танкер — Delta Harmony, Либерия флагынын алдында катталган. Кол салуудан кийин бортто өрт чыкты, бирок аны тез арада өчүрүүгө жетишилди. Экипаж арасында жабыркагандар катталган жок. Оперативдик штабдын маалыматы боюнча, кол салуу учурунда танкерге мунай жүктөө башталган эмес, бул казакстандык экспорттук ресурстардын зыян тартуусун алдын алууга мүмкүндүк берди.
Казакстандын Энергетика министрлиги «КазМунайГаз» улуттук оператору, консорциумдун администрациясы жана кемелердин ээлери менен кызматташып, логистикалык чынжырлардын коопсуздугун жана экспорттук жеткирүүлөрдүн туруктуулугун камсыз кылуу үчүн активдүү иш алып барууда, деп айтылат расмий билдирүүдө.
