Кыргыз Республикасынын Тышкы иштер министрлиги Пхукетте Korawich Marine 888 эс алуу катеринин балыкчы кемеси менен кагылышуусун комментарийлеп, натыйжасында 55 адам жабыркаганын билдирди. Өз билдирүүсүндө Тышкы иштер министрлиги төмөнкүлөрдү белгиледи:
«Кыргызстандын Малайзиядагы элчилиги тез арада зарыл аракеттерди баштап, Таиланддагы ардактуу консул менен кызматташып, Кыргызстандын жарандары катерде болгон-болбогонун жана алардын абалы тууралуу маалымат алуу үчүн аракет кылды.»
Жүргүзүлгөн иштердин натыйжасында катерде эки кыргызстандык жаран болгондугу аныкталды. Алар менен байланыш түзүүгө мүмкүн болду. Маалыматка ылайык, алар физикалык жаракат алган эмес жана дене абалы канааттандырарлык деп бааланууда. Медициналык жардам көрсөтүү жана ооруканага жаткырылуу сунушу алар тарабынан четке кагылды.
Элчилик бул жарандар менен байланышта болууну улантууда жана кырдаалды көзөмөлдөп жатат. Алдын ала маалымат боюнча, алардын Кыргызстанга кайтуусу 2026-жылдын 15-январына пландалууда.
Эскерте кетсек, жекшемби күнү Андман деңизинде Пхукетке жакын катер менен балыкчы кемесинин кагылышуусу болуп, натыйжада 23 турист жабыркаган.
