Окуя 14-январда, саат 08:00дө Нарын шаарынын жана районунун №16 өрт-куткаруу бөлүмүнө «Чолук Ата» соода борборунда өрт чыккандыгы тууралуу маалымат келип түшкөн.
Өрт өчүрүүчүлөр 08:05те окуя болгон жерге жөнөп, келгенде оттун соода борборунун ичиндеги чач тарач жана кафе жайларын каптаганын аныкташты.
Өрт 09:05те өчүрүлдү.
От каптаган аянт 90 чарчы метрди түздү. Окуянын натыйжасында пластик потолоктор, МДФ панелдери, ошондой эле ар кандай электр приборлору жана мебель зыянга учурады.
Учурда өрттүн келип чыгуу себеби аныкталууда.
Имарат мамлекеттик камсыздандырууга жатады. Социалдык-экономикалык зыянды жана сакталган материалдык баалуулуктарды баалоо боюнча иштер жүргүзүлүүдө.
