Жыйында ички иштер министринин орун басары Октябрь Урмамбетов да катышты.
Алгач «Эң мыкты кесиптештер» жана «Эң мыкты ардагерлер кеңеши» конкурстарынын жеңимпаздары сыйланды, ал эми жыйындын аягында бир нече жетекчилер дисциплинардык жаза алышты.
Кызматкерлер арасында мыйзамдуулукту жана кызматтык дисциплинаны сактоо маселелери талкууланды, ошондой эле 2026-жылдын биринчи жарым жылдыгына карата Чүй облусунун Ички иштер башкармалыгынын негизги иш-чараларынын планы бекитилди.
Урмамбетов дисциплинанын маанисине, үй-бүлөлүк зомбулуктун алдын алууга, лицензиялык-уруксат берүү системасынын ишине жана жер маселелери менен байланышкан алдамчылыкты иликтөөгө көңүл бурду.
Жыйындын жыйынтыгы боюнча Чүй облусунун Ички иштер башкармалыгынын начальниги Каныбек Абдырахманов кызматтык дисциплинаны күчөтүү, калкка кызмат көрсөтүүнүн сапатын жогорулатуу жана санариптештирүүнү өнүктүрүү боюнча тапшырмаларды белгиледи. Ошондой эле коомдук тартипти камсыз кылуу, кылмыштуулукка, анын ичинде наркотик кылмыштарына каршы күрөшүү, жашы жете элек адамдар арасында укук бузуулардын алдын алуу, Жол кырсыктарынын санын азайтуу жана катталган куралды көзөмөлдөө боюнча чараларды күчөтүү тапшырылды.
