Бүгүн жергиликтүү убакыт боюнча 03:54тө Кыргызстандын түштүгүндө 4 магнитудасы менен жер титирөө болду.
Сейсмология институту берген маалыматка ылайык, жердин титирөөсү Алга-Бас жана Кабылан-Кол айылдарында сезилди, ал жерде титирөөнүн күчү 3,5 баллга жетти. Кара-Суу районунда, Лаглан, Тогуз-Булак жана Тээке айылдарында жер титирөөсүнүн күчү 3 баллды түздү.
Эпицентр Кабылан-Колдон 3 чакырым түндүк-чыгышта жана Алга-Бастан 5 чакырым түштүк-батышта жайгашкан.
Алдын ала маалыматтар боюнча, жер титирөөдөн жабыркагандар же кыйроолор катталган жок.
