Институттун маалыматына ылайык, жердин астындагы сокку 26-декабрда 22:17де болду. Эпицентр Эгин-Жай айылынан 5 чакырым түндүк-батышта, Лангар айылынан 13 чакырым түндүк-батышта, Карагандыдан 14 чакырым түштүк-батышта жана Кара-Отоктон 20 чакырым түштүк-батышта жайгашкан.
Эгин-Жай айылында соккунун интенсивдүүлүгү 3,5 баллды түзсө, Лангар, Караганды жана Кара-Оток айылдарында 3 балл болуп катталды.
Мындан тышкары, Сейсмология институту бүгүн түнү Кытайда 1:44тө болгон жер титирөө тууралуу маалымдады. Анын эпицентри Нарындан 165 чакырым түштүк-чыгышта жана Караколдон 178 чакырым түштүк-батышта жайгашкан.
Бирок Кыргызстан аймагында бул жер титирөөлөр сезилген жок.
