Курамыдактар билдиргендей, кырсык Бишкек—Ош жолунда болгон.
Ош облусунун жол кыймылынын коопсуздугун камсыздоо башкармалыгы окуя тууралуу маалыматты тастыктады. Кырсык 14:50дө Бишкек—Ош автожолунун 663 км жеринде, Фуркат айылында болгон.
Бар болгон маалыматка ылайык, "Honda Step" унаасын башкарган 1998-жылы туулган К. уулу М. түндүктөн түштүккө жогорку ылдамдыкта бара жатып, жөө адамдар өтүүчү жердеги балдарды сүзүп кеткен. Жабыркагандар Фуркат айылынан: 2018-жылы туулган А.А., анын эжеси 2016-жылы туулган А.А. жана 2019-жылы туулган О.А. болуп саналат.
Сүзүп кеткенден кийин, айдоочу "Daewoo Tico" унаасы менен кагылышып, аны "Mercedes-Benz Atego 1217" унаасына кысып койгон. Кагылышуунун натыйжасында "Daewoo Tico" унаасын башкарган К. уулу У. жана анын уулдары — 2015-жылы туулган К.У. жана 2018-жылы туулган К.А. облустук ооруканадан медициналык жардам алыш үчүн кайрылышкан.
УОБДДнын маалыматы боюнча, мыйзам бузган унаа айыппул токтото турган жайга коюлган, ал эми иштин материалдары тергөө органдарына өткөрүлдү.
