UFC Fight Night 269 турнири Лас-Вегаста (Невада штаты, АКШ) 15-мартта түн ичинде өттү.
Алдын ала картада өткөн беттеште Мыктыбек америкалык Крис Кёртис (32-13) менен жолуккан. Бою полусредний салмакта өттү.
Үч раунддун ичинде кыргызстандык мушкер өз атаандашын ишенимдүү көзөмөлдөп, активдүү тейкдаундарды колдонуп, так соккуларды уруп турду.
Жыйынтыгында судьялар бир добуштан Оролбай уулуна жеңишти беришти.
Бул жеңиш анын үчүнчү жолу подряд жана UFC'деги жалпы бешинчи жеңиши болуп, бул анын ушул престиждүү промоушендагы ийгиликтүү карьерасын тастыктайт.
